DÇ-2014-ün seçmə mərhələsinin Asiya zonasında qrup oyunları başa çatıb. Apasport.az saytının məlumatına görə, artıq 4 komanda Braziliyada keçiriləcək mundiala vəsiqə qazanıb.

Yaponiya, Avstraliya, İran və Cənubi Koreyanın ardından növbəti komanda isə pley-off görüşlərindən sonra məlum olacaq.

Belə ki, “Neftçi”nin hücumçusu Bahodir Nasimovun milli komandası Özbəkistan bu mərhələdə İordaniya yığması ilə qarşılaşacaq.

Sonuncular isə B qrupunun yekun matçında Omanı 1:0 hesabı ilə məğlub edərək, xalını 10-a çatdırıb və 1 xalla rəqibini üstələyib. İordaniyanın yeganə qolunun müəllifi 57-ci dəqiqədə Əhməd Xayel İbrahim olub.

Beləliklə, Asiya zonasının pley-off oyunlarında İordaniya ilə Bahodir Nasimovun komandası üz-üzə gələcək. Qələbə qazanan tərəf isə Cənubi Amerika zonasında 5-ci komanda ilə oynayacaq.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə