“Qəbələ” daha bir legionerlə yollarını ayırıb. Klubun baş meneceri Zaur Əzizov apasport.az saytına açıqlamasında seneqallı hücumçu Mustafa Dabo ilə vidalaşdıqlarını bildirib.

Əzizovun sözlərinə görə, 27 yaşlı legionerlə qalan 1 illik müqavilə qarşılıqlı razılıqla pozulub. Belə ki, Ukraynanın “Volın” klubundan bosniyalı Daniel Subotiçin transfer olmasından sonra komandada hücumçuların sayı 4-ə çatdığından, əsas heyətə düşməkdə çətinlik çəkən seneqallının gedişi daha məqsədəuyğun sayılıb.

Mustafa “Qəbələ”yə qış fasiləsində Latviyadan, Yurmala “Spartak”ından gəlmişdi. O, komandamızda keçirdiyi 7 oyunda 489 dəqiqə meydanda olaraq 1 qol vurub.

• Flikdən Xulian Alvares açıqlaması
• "Siti"dən 100 milyonluq transfer
• “Roma”da Ostervolde narahatlığı – İlk tibbi müayinədən keçə bilmədi
• Fransa millisinin üzvü "Fənərbaxça"nın radarında
• "Yuventus"un qolkiperi B Seriyasında