Bu gün Avropa Liqasındakı təmsilçimiz “İnter” Finlandiyaya yollanıb. Apasport.az saytının məlumatına görə, “bankirlər” “Mariehamn”la səfər oyununu keçirəcəyi Skandinaviya təmsilçisinə çarter reysi ilə üz tutub. 5 saatlıq yol qət edən bakılılar Mariehamn şəhərində “Arxipelaq” otelində qalacaq və bu axşam məşqə çıxacaq.

Komanda səfərdə ilk oyunda zədələnərək sıradan çıxan yarımmüdafiəçisi Asif Məmmədovu da aparıb. Bakıda 1:1 hesabı ilə nəticələnən matçda qolun müəllifi olan Asif müalicəsini davam etdirir. Həkimlər onu iyulun 11-də keçiriləcək cavab matçına sağaltmağa çalışır.

Qeyd edək ki, Finlandiyadakı oyun Bakı vaxtilə saat 22:00-da başlayacaq.

• Flikdən Xulian Alvares açıqlaması
• "Siti"dən 100 milyonluq transfer
• “Roma”da Ostervolde narahatlığı – İlk tibbi müayinədən keçə bilmədi
• Fransa millisinin üzvü "Fənərbaxça"nın radarında
• "Yuventus"un qolkiperi B Seriyasında