Azərbaycan klubları sabah Avropa Liqasının I təsnifat mərhələsində cavab oyunlarına çıxacaqlar. Apasport.az saytının məlumatına görə, “Xəzər Lənkəran”la “Qarabağ”ın müvafiq olaraq, “Slima” (Malta) və “Metallurq”u (Makedoniya) qəbul etdiyi gündə “İnter” Finlandiyada “Mariehamn”ın qonağı olacaq.

Ağdamlılar 1:0 hesablı səfər qələbəsinin ardını gətirməyə çalışacaqsa, digər 2 təmsilçimiz qollu heç-heçələri (1:1) qələbə ilə davam etdirmək əzmindədir.

Lakin klublarımız ilk növbədə iyulun 11-i ilə bağlı uğursuz tarixi dəyişməlidirlər.

Belə ki, bu tarixdə keçirdiyimiz avrokubok qarşılaşmaları istisnasız məğlubiyyətlərlə bitib. Səfərdə keçirdiyimiz 3 qarşılaşmada futbolçularımız qol üzünə həsrət qalıblar. Əvəzində, klublarımız ümumilikdə 0:10 hesabı ilə yeniliblər.

Ən ağır zərbəni isə “Qarabağ” alıb. Azərbaycana “Böyük beşlik”dən rəqib gətirən ilk komanda kimi tarixə düşən ağdamlılar Bakıdakı 0:3 hesablı məğlubiyyətdən sonra Fransada daha ağır yenilgi yaşamışdı.

1999/2000, İntertoto kuboku
Monpelye (Fransa) – Qarabağ – 6:0
2001/02, Çempionlar Liqası
Barri Taun (Uels) – Şəmkir – 2:0
2006/07, Çempionlar Liqası
Sioni (Gürcüstan) – Bakı – 2:0

• “Bavariya”nın futbolçusu ölkəsinə qayıtdı - RƏSMİ
• Flikdən Xulian Alvares açıqlaması
• "Siti"dən 100 milyonluq transfer
• “Roma”da Ostervolde narahatlığı – İlk tibbi müayinədən keçə bilmədi
• Fransa millisinin üzvü "Fənərbaxça"nın radarında