“Qarabağ”ın Avropa Liqasının II təsnifat mərhələsində potensial rəqibi olan Polşanın “Pyast” klubu ciddi itki ilə üzləşib. Apasport.az saytının məlumatına görə, Qlivitsa təmsilçisinin əsas qapıçısı Dariuş Trela qarşıdakı mərhələnin hər 2 matçını buraxmaq məcburiyyətində qalıb.

Buna səbəb qolkiperin zədələnməsidir. Bu gün əməliyyat masasına uzanacaq Dariuş iyulun 18-də ilk, 25-də cavab oyununda meydana çıxa bilməyəcək. Bu isə o deməkdir ki, “Qarabağ” səfərdə məğlub etdiyi Makedoniya təmsilçisi “Metallurq”u keçəcəyi halda qarşısında polşalıların əsas qapıçısını görməyəcək. Trela əməliyyatdan 2 həftə sonra məşqlərə başlaya biləcək.

• Kevin Danso “Sanderlend”ə keçib
• Seneqal millisinin üzvü “Yuventus”da - RƏSMİ
• “Arsenal”dan “Dortmund”a
• “Liverpul”un yarımmüdafiəçisi İspaniya klubunda
• Dieqo Karlos rəsmən “Parma”da