Millimizin futbolçusu Əli Gökdəmir “Hannover 96”da növbəti oyununu keçirib. Apasport.az saytının məlumatına görə, Hannover təmsilçisi Almaniya toplanışı zamanı 6-cı görüşündə həvəskar komanda “Kuitt”in daşını daş üstdə qoymayıb – 16:1.

Maraqlıdır ki, 16 qolu cəmi 5 futbolçu vurub. Gökdəmirə gəlincə, o, son 2 yoxlama oyununda olduğu kimi meydana fasilədən sonra daxil olub. Futbolçumuz yaponiyalı sağ cinah müdafiəçisi Hiroki Sakaini əvəzləyib.

Qeyd edək ki, bundan öncə “Hannover 96” “Berenbostel”ə 17:0, “Krehenvinkel/Kaltenvayde”yə 2:1, “Şlezviq 06”ya 9:1, “Vayxe”yə 4:0 və “Ramlingen/Ehlershauzen”ə 5:0 hesabı ilə qalib gəlib. Yalnız şlezviqlilərlə matçda 90 dəqiqə oynayan Əli qalan qarşılaşmalarda 45 dəqiqə forma geyib.

• Premyer Liqada klubunu dəyişdi
• “Bavariya”nın futbolçusu ölkəsinə qayıtdı - RƏSMİ
• Flikdən Xulian Alvares açıqlaması
• "Siti"dən 100 milyonluq transfer
• “Roma”da Ostervolde narahatlığı – İlk tibbi müayinədən keçə bilmədi