Avstriyadakı təlim-məşq toplanışını başa vuran “Neftçi” vətənə qayıdıb. Apasport.az saytının məlumatına görə, Çempionlar Liqasının II təsnifat mərhələsi ərəfəsindəki hazırlıqlarda “ağ-qaralar” 6 yoxlama oyunu keçirib.

Bu oyunlarda cəmi 1 qələbəsi olan bakılılar “Vakker Burqhauzen”i (Almaniya) 3:0 hesabı ilə məğlub edib. “Terek”lə (Rusiya) qolsuz heç-heçə edən Azərbaycan çempionu 4 dəfə meydanı məğluv tərk edib. Böyükağa Hacıyevin yetirmələri “Volqa”ya (Rusiya) 0:1, “Enerji”yə (Almaniya) 0:2, “Makkabi”yə (Hayfa, İsrail) 0:3, “ Dinamo”ya (Drezden, Almaniya) 1:2 hesabı ilə uduzub.

Qeyd edək ki “Neftçi” - “Skenderbeu” oyunu iyulun 17-də baş tutacaq. “Bakcell Arena”da keçiriləcək görüş saat 21:00-da başlanacaq.

• "Çelsi"nin hücumçusu Premyer Liqada klubunu dəyişdi - RƏSMİ
• Qanalı müdafiəçi "fənər" yolunda
• “Fənərbaxça”da ayrılıq – Livakoviç “Barselona”ya keçdi
• “Beşiktaş”dan növbəti transfer – Ernest Poku rəsmən İstanbul klubunda
• Miretti “Beşiktaş” üçün İstanbula gəlir