Avropa Liqasının III təsnifat mərhələsinin “Qarabağ”la ilk oyunu “Gefle”nin baş məşqçisi Per Olsson üçün əlamətdar olacaq. Apasport.az saytının məlumatına görə, isveçli mütəxəssis avqustun 1-də baş tutacaq görüşdə 50 yaşını qeyd edəcək. Bu yubiley Tofiq Bəhramov adına Respublika stadionunda baş tutacaq qarşılaşmada reallaşacaq.

1963-cü ildə anadan olan Ollssonun futbolçu və məşqçi karyerasının böyük hissəsi Qavle təmsilçisi ilə bağlıdır. Hücumçu kimi karyerasına bu klubda başlayan (1981-84) yubilyar elə son illərini də (1988-1992) burada keçirib.

1993-2002-ci illərdə “Gefle”də baş məşqçinin köməkçisi, gənclər komandasının çalışdırıcısı, sonradan isə əsas heyətin “sükanı arxasında” olan mütəxəssis 2005-ci ildən qayıtdığı postunda ardıcıl 8 ildir fəaliyyət göstərir. Ümumilikdə isə onun 50 illik həyatının təxminən 27 ili bu klubla bağlıdır.

• "Real" Rodriqo ilə yollarını ayırır?
• "Arsenal" Qyökereşin transferinə yaxınlaşır
• “Fənərbaxça” Brayt Osayi‑Samuellə yollarını ayırıb
• "Barselona" 22 yaşlı futbolçusunu göndərib
• "Brayton" Belçika millisinin üzvünü transfer edib