“Barselona”nın sabiq qapıçısı öldü

30.07.2013 - 23:03

İspaniya futbolunda ağır itki baş verib. Apasport.az saytının məlumatına görə, sözügedən ölkənin milli komandasının və “Barselona”nın sabiq qapıçısı Antoni Ramalets dünyasını dəyişib.

89 yaşlı qolkiper 1946-cı ildən 1962-ci ilə qədər Kataloniya təmsilçisinin formasını geyinib. O, “Barsa”nın heyətində altı dəfə (1947/48, 1948/49, 1951/52, 1952/53, 1958/59, 1959/60) İspaniya çempionu olub. Ramalets yığma komandasının çərçivəsini isə 35 dəfə qoruyub.

Qeyd edək ki, Antoni peşəkar futbol karyerasını 1962-ci ildə “Barselona”da başa vurub.