Yığmamızın 5-ci cəhdi

01.08.2013 - 16:05

Sabah Avropa çempionatının seçmə mərhələsində mübarizəyə başlayacaq Azərbaycanın 17 yaşadək qızlardan ibarət yığması tarixində 5-ci dəfə bu yarışda qüvvəsini sınayacaq. Apasport.az saytının məlumatına görə, Polşada keçiriləcək 8-ci seçmə qrupun oyunlarında Avstriya, Qazaxıstan və meydan sahibləri ilə qarşılaşacaq komandamız artıq 4 seçmə mərhələni arxada qoyub.

Bunların heç birində növbəti mərhələyə vəsiqə qazanmayan yığmamız cəmi 2 matçda qalib gəlib və 1 dəfə heç-heçə edib. 9 məğlubiyyəti olan komandamız ilk dəfə turnirə Siyasət Əsgərovun rəhbərliyi altında yollanıb. Bundan əvvəlki cəhdlərdə yığmamıza 2 dəfə şamil Heydərov, 2 dəfə isə almaniyalı Sissi Rayt rəhbərlik etmişdi.

17 yaşadək qızlardan ibarət yığmamız seçmə mərhələlərdə

mövsüm	yer	O	Q	H	M	T	X
2007/08	Polşa	3	1	0	2	2-7	3
2008/09	İtaliya	3	0	1	2	1-9	1
2011/12	Azərbaycan	3	0	0	3	1-12	0
2012/13	Avstriya	3	1	0	2	8-12	3
		12	2	1	9	12-40	7