Fransalı hakim Bakıda vərəqə göstərmədi

02.08.2013 - 03:17

Avropa Liqasının III təsnifat mərhələsinin “Qarabağ” - “Gefle” oyununun statistik göstəriciləri bəlli olub. Apasport.az saytının məlumatına görə, UEFA qarşılaşma ərzində qeydə alınan göstəriciləri hesablayıb.

Tofiq Bəhramov adına Respublika stadionunda 1:0 hesabı ilə Ağdam klubunun xeyrinə başa çatan matçda əsas üstünlük də təmsilçimizin olub.

Belə ki, baş məşqçi Qurban Qurbanovun yetirmələri çərçivəyə 7 dəfə zərbə endiribsə, qonaqlar bunlara cavab verə bilməyib. 14 qeyri-dəqiq zərbədən isə isveçlilər 1 dəfə komandamızın qapısı ağzında bizim üçün təhlükəli anlar yaşadıb. Qayda pozuntularına gəldikdə isə burada “Gefle”nin üstünlüyü daha çoxdur - 5:11.

Maraqlıdır ki, hər iki komandanın futbolçuları fransalı baş hakim Nikolas Rainville tərəfindən cəzalanmayıb.

Qarabağ		Gefle
1	Qol		0
7	Çərçivəyə zərbə		0
14	Qeyri-dəqiq zərbə		1
5	Künc zərbələri		2
1	Oyundankənar vəziyyətlər		2
5	Qayda pozuntuları		11
0	Sarı vərəqələr		0
0	Qırmızı vərəqələr		0