Topaz Premyer Liqası: Mərkəzi oyunlarda 6 hakim

02.08.2013 - 12:14

Topaz Premyer Liqasında yeni mövsümün ilk turunun hakim təyinatları açıqlanıb. Apasport.az saytının məlumatına görə, startda mərkəzi oyunların hər ikisində meydanda 5 hakim olacaq.

Belə ki, Bakıda keçiriləcək “Bakı” – “Qəbələ” və “İnter” – “Qarabağ” matçlarında 2 hakim qapıların arxasında olacaq. Özü də sabiq FİFA hakimi Fariz Yusifov bu gün baş hakim olacaqsa, 2 gün sonra “Şəfa”dakı matçda cərimə meydanında baş verənləri nəzarətdə saxlayacaq.

Peşəkar Futbol Liqasının prezidenti Ramin Musayev mövsüm öncəsi demişdi ki, cari mövsümdə ehtiyac olacağı halda əsas matçlarda bu praktikadan istifadə olunacaq. Bizdə ilk belə hal ötən mövsüm Azərbaycan kubokunun finalında “Neftçi” – “Xəzər Lənkəran” matçında olub.

2 avqust
18:30. “Bakı” – “Qəbələ”
Hakimlər: Fariz Yusifov, Namiq Hüseynov, Elman Musayev, Ramiz Məhərrəmov
Əlavə köməkçi hakimlər: Vüsal Əliyev, Rauf Cabbarov
Bakı. “Bakı” klubunun təlim-məşq bazasının stadionu

3 avqust
18:30. “Simurq” – “Rəvan”
Hakimlər: Orxan Məmmədov, Vaqif Musayev, Nahid Əliyev, Elvin Əsgərov
Qəbələ. Şəhər stadionu

20:00. “Neftçi” – AZAL
Hakimlər: Vüsal Əliyev, Knyaz Əmiraslanov, Azər Əsgərov, Ramil Diniyev
Bakı. “Bakcell Arena” stadionu

4 avqust
18:30. “Sumqayıt” – “Xəzər Lənkəran”
Hakimlər: Rauf Cabbarov, Coşqun Həsənov, Rza Məmmədov, Feyzulla Feyzullayev
Sumqayıt. Mehdi Hüseynzadə adına şəhər stadionu

20:00. “İnter” – “Qarabağ”
Hakimlər: Rəhim Həsənov, Yaşar Abbasov, Zeynal Zeynalov, Ömər Paşayev
Əlavə köməkçi hakimlər: Fariz Yusifov, Orxan Məmmədov
Bakı. “Şəfa” stadionu