Julius Vobay: “Neftçi” 1-2 futbolçudan asılı klub deyil - MÜSAHİBƏ
02.08.2013 - 12:51
“Neftçi”nin futbolçusu Julius Vobay klubunun rəsmi saytına müsahibə verib. Apasport.az saytının məlumatına görə, sierra-leoneli yarımmüdafiəçi Birləşmiş Ərəb Əmirliklərinin “Əl Şaab” klubuna icarəyə verilməsi ilə bağlı sualları da cavablandırıb.
- Mövsüm bitdikdən sonra “Neftçi” ilə yenidən müqavilə bağlayaraq qalmağa qərar vermişdin. Bu addımı atmağına hansı amillər təsir etdi?
- “Neftçi”yə gələnə qədər bir sıra klublarda oynamışdım. Amma karyeramda ən böyük uğurları məhz bu klubda qazandım: Azərbaycan çempionu oldum, ölkə kubokunu qazandım. Avrokubokların qrup mərhələsində çıxış etmək istəyim də bu komandada reallaşdı. “İnter”, “Rubin”, “Partizan” kimi komandalarla qarşılaşmalarda meydana çıxmağımız bizi bütün qitəyə tanıtdı. Bundan sonra Avropanın bir çox klublarının maraq dairəsinə düşdük. Bir sözlə, “Neftçi” mənim klub karyeramın zirvəsidir.
- Bəs nə üçün getmək qərarına gəldin?
- Açığı, mənimlə bir çox klublar daha öncədən maraqlanırdı. Bütün bu təkliflərə rəğmən “Neftçi” ilə müqavilə imzalamağa qərar verdim. Bayaq əbəs yerə avrokubokların qrup mərhələsi haqda danışmadım. Mənim daha çox diqqət mərkəzinə düşməyimdə məhz “Neftçi”nin Avroliqanın qrupunda oynaması böyük rol oynadı. Bir növ bu kluba borclu idim. Ona görə də digər təkliflərə “yox” deyib, “Neftçi” ilə müqavilə imzaladım. Məni tanıdan komandaya xeyir vermək istədim. Təəssüf ki, bu mövsüm avrokuboklarda istədiyimiz kimi çıxış edə bilmədik. “Əl Şaab” klubuna icarə əsasında yollanıram. Avrokuboklarda mübarizəni dayandırdıqdan sonra klub prezidenti ilə görüşüb, getmək üçün izn istədim. O da istəyimi anlayışla və müsbət qarşıladı. Təbii ki, bu qədər uğur qazandığım klubdan müvəqqəti də olsa ayrılmaq çətindir. “Neftçi” mənim üçün doğma komandadır. Belə bir kollektivdən 1 illik də olsa uzaqlaşmaq asan deyil.
- Bakıdakı ab-havaya öyrəşmişdiniz və burada azarkeşlər tərəfindən yetərincə sevilirdiz...
- Bakıda insanlar çox istiqanlıdır. Şəxsən mənə burada ünsiyyət yaratmaq və anlaşmaq asandır. Komanda daxilində yerli və legioner futbolçuların hamısı ilə əla münasibətdəyəm. “Neftçi”də uyğunlaşmaq baxımından problemim olmamışdı. “Əl Şaab” isə Asiya təmsilçisidir və orada mühit müəyyən qədər fərqli olacaq. Ən azından hər yerin öz adət-ənənəsi var. Bu mənim üçün yeni təcrübə olacaq. “Neftçi”də oynadığım müddətdə azarkeşlərin sevgisini qazana bilmişdim. Futbolçu üçün bu, çox önəmli məsələdir. Bu oynamaq üçün böyük stimuldur. Çalışacağam ki, “Əl Şaab” klubunda da oyunumla azarkeşlərin ürəyinə yol tapım.
- Artıq indidən azarkeşlər Vobay üçün darıxmağa başlayıb...
- Təkcə Vobay yox, bu komandanın bütün üzvləri azarkeşlər tərəfindən sevilir. Darıxmağa gəldikdə isə mən onlardan çox darıxacağam, əmin olsunlar. “Neftçi” 1-2 futbolçudan asılı komanda deyil. Burada əvəzedilməz futbolçu yoxdur. Meydana kim çıxırsa-çıxsın, yalnız qələbə üçün çalışır. İnanıram ki, mövsümün sonunda komanda yoldaşlarım mənsiz belə çempionluq kubokunu qaldıracaq.
- İcarə müddəti bitdikdən sonra yəqin ki, “Neftçi”yə qayıdacaqsız...
- İcarə müddəti bitdikdən sonra yenidən “Neftçi”yə qayıtmağı düşünürəm. Təbii ki, bu mənim necə formada olmağımdan da asılıdır. Bildiyimə görə Birləşmiş ərəb Əmirliklərində daxili çempionatı da maraqlı və gərgin keçir. Çalışacağam ki, bura qayıtdıqdan sonra “Neftçi”yə daha faydalı olum. İnanıram ki, bu il azarkeşlərə avrokuboklardan qalan borcumuzu gələn il qaytaracağıq.
- Mövsüm bitdikdən sonra “Neftçi” ilə yenidən müqavilə bağlayaraq qalmağa qərar vermişdin. Bu addımı atmağına hansı amillər təsir etdi?
- “Neftçi”yə gələnə qədər bir sıra klublarda oynamışdım. Amma karyeramda ən böyük uğurları məhz bu klubda qazandım: Azərbaycan çempionu oldum, ölkə kubokunu qazandım. Avrokubokların qrup mərhələsində çıxış etmək istəyim də bu komandada reallaşdı. “İnter”, “Rubin”, “Partizan” kimi komandalarla qarşılaşmalarda meydana çıxmağımız bizi bütün qitəyə tanıtdı. Bundan sonra Avropanın bir çox klublarının maraq dairəsinə düşdük. Bir sözlə, “Neftçi” mənim klub karyeramın zirvəsidir.
- Bəs nə üçün getmək qərarına gəldin?
- Açığı, mənimlə bir çox klublar daha öncədən maraqlanırdı. Bütün bu təkliflərə rəğmən “Neftçi” ilə müqavilə imzalamağa qərar verdim. Bayaq əbəs yerə avrokubokların qrup mərhələsi haqda danışmadım. Mənim daha çox diqqət mərkəzinə düşməyimdə məhz “Neftçi”nin Avroliqanın qrupunda oynaması böyük rol oynadı. Bir növ bu kluba borclu idim. Ona görə də digər təkliflərə “yox” deyib, “Neftçi” ilə müqavilə imzaladım. Məni tanıdan komandaya xeyir vermək istədim. Təəssüf ki, bu mövsüm avrokuboklarda istədiyimiz kimi çıxış edə bilmədik. “Əl Şaab” klubuna icarə əsasında yollanıram. Avrokuboklarda mübarizəni dayandırdıqdan sonra klub prezidenti ilə görüşüb, getmək üçün izn istədim. O da istəyimi anlayışla və müsbət qarşıladı. Təbii ki, bu qədər uğur qazandığım klubdan müvəqqəti də olsa ayrılmaq çətindir. “Neftçi” mənim üçün doğma komandadır. Belə bir kollektivdən 1 illik də olsa uzaqlaşmaq asan deyil.
- Bakıdakı ab-havaya öyrəşmişdiniz və burada azarkeşlər tərəfindən yetərincə sevilirdiz...
- Bakıda insanlar çox istiqanlıdır. Şəxsən mənə burada ünsiyyət yaratmaq və anlaşmaq asandır. Komanda daxilində yerli və legioner futbolçuların hamısı ilə əla münasibətdəyəm. “Neftçi”də uyğunlaşmaq baxımından problemim olmamışdı. “Əl Şaab” isə Asiya təmsilçisidir və orada mühit müəyyən qədər fərqli olacaq. Ən azından hər yerin öz adət-ənənəsi var. Bu mənim üçün yeni təcrübə olacaq. “Neftçi”də oynadığım müddətdə azarkeşlərin sevgisini qazana bilmişdim. Futbolçu üçün bu, çox önəmli məsələdir. Bu oynamaq üçün böyük stimuldur. Çalışacağam ki, “Əl Şaab” klubunda da oyunumla azarkeşlərin ürəyinə yol tapım.
- Artıq indidən azarkeşlər Vobay üçün darıxmağa başlayıb...
- Təkcə Vobay yox, bu komandanın bütün üzvləri azarkeşlər tərəfindən sevilir. Darıxmağa gəldikdə isə mən onlardan çox darıxacağam, əmin olsunlar. “Neftçi” 1-2 futbolçudan asılı komanda deyil. Burada əvəzedilməz futbolçu yoxdur. Meydana kim çıxırsa-çıxsın, yalnız qələbə üçün çalışır. İnanıram ki, mövsümün sonunda komanda yoldaşlarım mənsiz belə çempionluq kubokunu qaldıracaq.
- İcarə müddəti bitdikdən sonra yəqin ki, “Neftçi”yə qayıdacaqsız...
- İcarə müddəti bitdikdən sonra yenidən “Neftçi”yə qayıtmağı düşünürəm. Təbii ki, bu mənim necə formada olmağımdan da asılıdır. Bildiyimə görə Birləşmiş ərəb Əmirliklərində daxili çempionatı da maraqlı və gərgin keçir. Çalışacağam ki, bura qayıtdıqdan sonra “Neftçi”yə daha faydalı olum. İnanıram ki, bu il azarkeşlərə avrokuboklardan qalan borcumuzu gələn il qaytaracağıq.
Oxşar xəbərlər
Ana səhifə
Bütün xəbərlər