Türkiyə Superkuboku uğrunda oyun keçirilib. Apasport.az saytının məlumatına görə, “Qalatasaray” 7-ci dəfə oynanılan bu titulun sahibi olub.

Kayseridə “Kadir Has” stadionunda “Fənərbaxça” ilə keçirilən matçın taleyi əlavə vaxtda həll olunub. Belə ki, az öncə Londonda qazanılan kubokda “Arsenal”a vurduğu 2 qolla böyük pay sahibi olan Didye Droqba yenə öz sözünü deyib.

Fil Dişi Sahili yığmasının hücumçusu 106-cı dəqiqədə başla dəqiq zərbə ilə komandasına 1:0 hesablı qələbə qazandırıb. Bununla da “Qalatasaray” ötən mövsüm olduğu kimi həm çempionluğu, həm də Superkuboku qazanıb. “Fənər”in yeni transferi olan portuqaliyalı müdafiəçi Bruno Alveşin 2-ci hissənin ortasında qırmızı vərəqə alaraq meydandan çıxarılmağı matçın taleyinə böyük təsir edib.

• Alvarez “Siti”yə qayıdır?
• Günün oyunları bu kanallarda - TV AFİŞA
• Cengiz ünder rəsmən “Çorum”da
• “Neftçi”dən ayrıldı - TÜRKİYƏDƏ OYNAYACAQ
• İngiltərədə klubunu dəyişdi - RƏSMİ