“Qalatasaray”ın sabiq kapitanı Tomaş Uyfaluşi futbolçu karyerasını başa vurub. Apasport.az saytının xəbərinə görə, bu barədə çexiyalı müdafiəçi “Tvitter” sosial şəbəkəsindəki şəxsi hesabından məlumat yayıb.

Belə ki, ötən mövsümün ikinci turunda zədələnərək “sarı-qırmızılılar”ı çətinliyə salan və müqavilə müddəti başa çatan kimi komandadan göndərilən 35 yaşlı futbolçu ölkəsinin “Sparta” (Praqa) klubu 1 illik müqavilə imzalamışdı. Amma onun bəxti burada da gətirməyib. Praqa təmsilçisində də zədələnən Uyfaluşi futbolla vidalaşıb.

O “Tvitter”dəki açıqlamasında bu sözləri deyib: “Bu gün futbolla vidalaşıram. Yaşadığım gözəl illərə görə məni dəstəkləyənlərə və azarkeşlərə təşəkkür edirəm”.

Qeyd edək ki, Uyfaluşi 2011-ci ildə İspaniyanın “Atletiko” klubundan “Qalatasaray”a transfer olunmuşdu.

• Deniz Güllə razılıq əldə olundu - RƏSMİ
• “Real” Kamavinqa üçün qiymət qoydu – 70 milyon avro
• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA