Usim Nduka ilə Andrey Popoviçin şərəfini qoruduğu “Tavşanlı Linyitspor”da baş məşqçi istefası gerçəkləşib. Apasport.az saytının məlumatına görə, Saşa Yunisoğlunun çıxış etdiyi “Dənizlispor”a doğma azarkeşlər önündə məğlubiyyət (1:2) və komandanın sondan III pillədən qurtula bilməməsi Erol Tokla yolların qarşılıqlı şəkildə ayrılmasına səbəb olub.

Artıq yeni baş məşqçinin kim olacağı da bilinir. Bu, Mustafa Mətə Ərtəmdir. 2009-cu ildə “Çanakkale Dardanelspor”u I dəstəyə yüksəltmiş Ərtəm Mehmet Topal, Səlçuk İnan, Hasan Kabze və Fevzi Elmas kimi tanınmış futbolçuları yetişdirib.

Qeyd edək ki, Erol Tok “Tavşanlı Linyitspor”da çalışdığı müddətdə Ndukaya şans versə də, U-21-in qapıçısı Popoviçə çempionatda debüt etmək imkanı yaratmayıb. Tok “apasport”a verdiyi müsahibəsində bunu milliləşdirilmiş ukraynalının transferinin gələcəyə hesablandığını bildirib.

• Deniz Güllə razılıq əldə olundu - RƏSMİ
• “Real” Kamavinqa üçün qiymət qoydu – 70 milyon avro
• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA