“Qalatasaray”ın ulduz futbolçusu Didye Droqba Çempionlar Liqasının 1/8 final mərhələsindəki rəqibləri London “Çelsi”si ilə bağlı açıqlama verib. Apasport.az saytının məlumatına görə, “Instagram”dakı şəxsi səhifəsindən fikirlərini bölüşən 35 yaşlı hücumçu sabiq komandasına qarşı çıxış edəcəyi üçün həyəcanlı olduğunu bildirib.

Fildişi sahilli forvard bu püşkatmadan sonra özünü ən xoşbəxt insan hiss etdiyini deyib: “Bu püşkatmadan sonra ən xoşbəxt insan mənəm. Hər iki oyunu da evimdə keçirəcəm”.

İngiltərələri azarkeşlərə də mesaj göndərən təcrübəli futbolçu “Bir neçə ay içində görüşərik” deyib.

Qeyd edək ki, 2004-2012-ci illərdə London klubunda çıxış edən Droqba ümumilikdə 155 qol vurub və Çempionlar Liqasının qalibi olub. O, 2013-cü ilin yanvarından Türkiyə təmsilçisinin şərəfini qoruyur.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə