Həmyerlimiz Saşa Yunisoğlunun şərəfini qoruduğu “Dənizlispor” klubunda növbəti baş məşqçi istefası reallaşıb. Apasport.az saytının məlumatına görə, bu ilin oktyabrında I divizion təmsilçisinin “sükanı arxası”na keçən Yusuf Şimşək getmək qərarına gəlib.

Gənc çalışdırıcı istefasının səbəbi barədə yazılı açıqlama verib. Şimşək bildirib ki, məşqçilər korpusunun klub rəhbərliyi qarşısında qoyduqları tələblər yerinə yetirilmədiyi, futbolçulara cüzi məbləğdə ödəmələr edildiyi və gələcəklə bağlı lazımı tədbirlər görülmədiyi üçün postundan getməyi məqsədəuyğun sayıb.

Qeyd edək ki, Yusuf Şimşək cari çempionatının VI turundan sonra baş məşqçi vəzifəsindən istefa verən Sərdar Dayatı əvəzləmişdi.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə