“Hesab edirəm ki, seçimlər ədalətli idi”. Apasport.az saytının məlumatına görə, bu sözləri AFFA-nın baş katibi Elxan Məmmədov deyib.

O bildirib ki, 2013-cü il Azərbaycan futbolu üçün uğurlu alınıb: “Hamısını təbrik edirik. Belə bir söz var ki, oyunu şəxslər, turniri komanda udur. Fərdi mükafatlar gözəldir, ancaq önəmli olan komandanın uğurudur. 2013-cü il bizim üçün yaxşı alındı”.

Məmmədov milli ilə bağlı planlara da toxunub: “Ola bilər ki, DÇ-2014-ə gedən komandalardan biri ilə yoldaşlıq oyunumuz olsun. Amma bu rəsmi matç olmayacaq. Polşa ilə oyun məsələsini mətbuatdan oxudum. Ümumiyyətlə, Avropa komandaları ilə danışıq olmayıb. 2014-cü ilin təqvimində yoldaşlıq matçları azdı. Əsasən xarici ölkələrə toplanışlar zamanı yoxlama matçları keçirtməkdə maraqlıyıq. Milli oyunlarını yalnız “Bakcell Arena”da deyil, Tofiq Bəhramov adına Respublika stadionunda da keçirəcək”.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə