2013-cü ilin futbolçusu və qapıçısının seçilməsində respondentlərin kimə səs verməsi açıqlanıb. Apasport.az saytının məlumatına görə, səsvermədə ümumilikdə 23 nəfər iştirak edib.

Millinin baş məşqçisi Berti Foqts, texniki direktor Bernard Lippert, veteran futbolçu Ələkbər Məmmədovun da qatıldığı sorğuda Topaz Premyer Liqasında çıxış edən 10 klubun çalışdırıcıları və kapitanları da səs verib. “Xəzər Lənkəran”ın baş məşqçisi kimi artıq istefaya göndərilən Con Toşak sorğuya qatılıb. Bu isə o deməkdir ki, səsvermə onun postunda olduğu vaxt keçirilib. “Bakı”dan isə əsas kapitan Kamran Ağayev deyil, onun zədəli olduğu vaxt sarğını daşıyan Rauf Əliyev səs verib. Bu da həmin vaxt Ağayevin müalicə olunması ilə bağlıdır.

Əslində ən yaxşı qapıçı seçilməsi formal xarakter daşıyıb. Çünki səsverməyə qatılanların 23-ü də Kamran Ağayevi 1-ci seçib. 2 nəfər – millinin baş məşqçisi Foqtsla, kapitanı Rəşad Sadıqov Kamranı ümumiyyətlə ən yaxşı futbolçu sayıb. Hərçənd Foqts Rəşadın ən yaxşı olduğunu desə də, səsvermədə Kamrana səs verib.

Ən yaxşı futbolçu seçimində isə Rəşad Sadıqov 8 səs toplayıb. Müdafiəçi səslərin yarısını kapitanlar. Yarısını baş məşqçilərdən alıb. 2-ci olan Rauf Əliyevə 5 nəfər səs verib. Ruslan Abışov, Mahir Şükürov, Kamran Ağayev hərəyə 2, Əfran İsmayılov, Rahid Əmirquliyev, Araz Abdullayev, Vaqif Cavadov isə hərəyə 1 səs yığıblar.

Vəzifəsi	Adı, soyadı	Ən yaxşı futbolçu	Ən yaxşı qapıçı
Millinin baş məşqçisi	Berti Foqts	Kamran Ağayev
Texniki direktor	Bernard Lippert	Rəşad Sadıqov	Kamran Ağayev
Veteran futbolçu	Ələkbər  Məmmədov	Rauf Əliyev	Kamran Ağayev
“Qəbələ”nin baş məşqçisi	Yuri Syomin	Ruslan Abışov	Kamran Ağayev
“Qəbələ”nin kapitanı	Volodimir Levin	Ruslan Abışov	Kamran Ağayev
AZAL-ın baş məşqçisi	Vaqif Sadıqov	Rauf Əliyev	Kamran Ağayev
AZAL-ın kapitanı	Cahangir Həsənzadə	Rəşad Sadıqov	Kamran Ağayev
“Xəzər Lənkəran”ın baş məşqçisi	Con Toşak	Rəşad Sadıqov	Kamran Ağayev
“Xəzər Lənkəran”ın kapitanı	Rahid Əmirquliyev	Rəşad Sadıqov	Kamran Ağayev
“Simurq”un baş məşqçisi	Georgi Çixradze	Mahir Şükürov	Kamran Ağayev
“Simurq”un kapitanı	Ruslan Poladov	Rəşad Sadıqov	Kamran Ağayev
“İnter”ın baş məşqçisi	Kaxaber Sxadadze	Vaqif Cavadov	Səlahət Ağayev
“İnter”ın kapitanı	Vaqif Cavadov	Mahir Şükürov	Kamran Ağayev
“Neftçi”nin baş məşqçisi	Nazim Süleymanov	Rəşad Sadıqov	Kamran Ağayev
“Neftçi”nin kapitanı	Rəşad Sadiqov	Araz Abdullayev	Kamran Ağayev
“Qarabağ”ın baş məşqçisi	Qurban Qurbanov	Rauf Əliyev	Kamran Ağayev
“Qarabağ”ın kapitanı	Rəşad Sadıqov	Kamran Ağayev
“Rəvan”ın məşqçisi	Şahin Diniyev	Rəşad Sadıqov	Kamran Ağayev
“Rəvan”ın kapitanı	Ramazan Abbasov	Rəşad Sadıqov	Kamran Ağayev
“Bakı”nın baş məşqçisi	Milinko Pantiç	Rauf Əliyev	Kamran Ağayev
“Bakı”nın kapitanı	Rauf Əliyev	Əfran İsmayılov	Kamran Ağayev
“Sumqayıt”ın baş məşqçisi	Aqil Məmmədov	Rahid Əmirquliyev	Kamran Ağayev
“Sumqayıt”ın kapitanı	Samir Abasov	Rauf Əliyev	Kamran Ağayev

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə