“Qaziantepspor” klubunun baş məşqçisi Sərgən Yalçın postunu tərk edəcəyini açıqlayıb. Apasport.az saytının məlumatına görə, çətin durumda qəbul etdiyi komanda ilə çıxdığı 4 oyundan 4 qələbə qazanmaqla Superliqada məşqçilik karyerasına uğurla başlayan 41 yaşlı mütəxəssis qış fasiləsində Qaziantep təmsilçisi ilə yollarını ayırmağı lazım bilib.

Yalçın sürpriz qərarı ilə bağlı bunları deyib: “İki həftədən sonra mən və məşqçi heyətim “Qaziantepspor”dan ayrılacağıq. Mənə deyil, oyunçularıma dəyər versinlər”.

Qeyd edək ki, Sərgən Yalçınlı “Qaziantepspor” “Elazığspor”, “Gənclərbirliyi”, “Trabzonspor” və “Kayseri Ərciyəsspor”la görüşlərdən qalib ayrılıb. Lakin görünür klubdakı maddi sıxıntılar öz sözünü deməkdədir.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə