“Əskişəhərspor”un oyunu yarımçıq qaldı

19.12.2013 - 10:30

Türkiyə kubokunda dünən V turun digər oyunları keçirilib. Apasport.az saytının məlumatına görə, bu turda da sürpriz nəticə qeydə alınıb.

Belə ki, Superliqa klubu olan “Kayserispor” səfərdə II dəstə təmsilçisi “Tokatspor”a minimal hesabla yenilib. Meydançanın durumu yaxşı olmadığı üçün “Türk Telekom Arena”da yox, Atatürk Olimpiya stadionunda oynanılan “Qalatasaray” və eləcə də, “Antalyaspor” aşağı dəstə təmsilçiləri ilə qarşılaşmalarda sensasiyaya yol verməyərək qrupa vəsiqə qazanıb.

Azərbaycanlı qapıçı Davud Kəriminin şərəfini qoruduğu “Fəthiyəspor”un isə “Əskişəhərspor”la qarşılaşması baş tutmayıb. Daha dəqiqi, Əskişəhər stadionunda projektorlarda yaşanan qısaqapanma matçın ikinci hissəsinin təxirə salınmasına səbəb olub. İlk hissəsi qolsuz bitən görüş bu gün qaldığı yerdən davam etdiriləcək.

17 dekabr
“Karabükspor” – “Elazığspor” 1:1 (penaltilərdə - 3:5)
Əmrə Özkan, 75 – Sou, 89

18 dekabr
“Tokatspor” – “Kayserispor” 0:1
Rəcəp, 19

“Qalatasaray” – “Balıkəsirspor” 4:0
Əmrə Çolak, 29; Umut, 55; Riera, 68; Bruma, 90+1

“Bucaspor” – “Antalyaspor” 0:1
Əmrə Güngör, 102

19 dekabr
15:00 “Əskişəhərspor” – “Fəthiyəspor”
16:30 “Sivasspor” – “Nazilli Bələdiyyəspor”
19:00 “Ərciyəsspor” – “Akhisar Bələdiyyəspor”
22:00 “Bursaspor” – “İnegölspor”