Madriddə təlim-məşq toplanışı keçən “Bakı”nın U-14 komandası 3-cü yoxlama oyunu keçirib. Apasport.az klubun rəsmi saytına istinadən xəbər verir ki, "Atletiko" U-14 komandası ilə görüşən gənc futbolçularımız 3:0 hesablı qələbə qazanıb.

“Bakı”nın qollarını Şakir Seyidov (2) və Mirnahid Qurbanov vurub. Əvvəlki oyunlarda qələbə qazaan (2:1) və məğlub olan (1:5) U-14 Madriddə bu gün daha bir yoldaşlıq oyunu keçirəcək.

Dünən isə U-14-ün üzvləri və Madriddə uzunmüddətli təlim keçən 5 azərbaycanlı futbolçu "Atletiko"nun əsas heyət üzvləri ilə görüşüb. Usta futbolçular yeniyetmələrə avtoqraf verərək şəkil çəkdirib.

"Atletiko"nun türk ulduzu Arda Turan həmişə olduğu kimi diqqət mərkəzində olub. Arda U-14 üzvləri ilə söhbətləşərək, onlara gələcək karyeralarında uğurlar arzulayıb. Sonra futbolçulara üzərində adları yazılan "Atletiko" formaları hədiyyə olunub.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə