19 yaşadək futbolçulardan ibarət millimizin heyətinə daha bir futbolçu dəvət olunub. Apasport.az AFFA-nın saytına istinadən xəbər verir ki, bu, Sinan Özkaradır.

Əsas millimizin və “Sivasspor”un hücumçusu Cihan Özkaranın kiçik qardaşı olan Sinan U-19-un dekabrın 23-dən Bakıda təşkil olunacaq təlim-məşq toplanışında iştirak edəcək. 17 yaşlı dayaq yarımmüdafiəçisi hazırda Almaniyanın Essen şəhərini təmsil edən “Rot-Vayss” klubunda çıxış edir. Sinanın çağırılması ilə yanvarda Valentin Qranatkinin xatirəsinə həsr olunmuş turnirdə iştirak edəcək futbolçuların sayı 25-ə çatıb.

Qeyd edək ki, bundan öncə əsas millimizin “Kayzerslautern”in hücumçusu Rüfət Dadaşovun kiçik qardaşı Renat da U-16 millisinə çağırılmışdı. O, Frankfurt “Ayntraxt”ının aşağı yaş qruplarında çıxış edir.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə