Azərbaycan millisinin futbolçusu Ruslan Abışov formasını geyindiyi Rusiyanın “Rubin” klubunun saytına müsahibə verib. Apasport.az saytının məlumatına görə, 26 yaşlı futbolçu “Rubin”nin siması” rubrikası üçün danışıb.

- 2013-cü ildə sizin üçün ən yaddaqalan hadisələr hansılar oldu?
- Əsas hadisə dünya çempionatının seçmə mərhələsində Bakıda Rusiya millisinə qarşı keçirdiyimiz oyun oldu. Azlıqda qalsaq da, matçın sonlarında hesabı bərabərləşdirə bildik (1:1).

- 2014-cü ildən nə gözləyirsiniz?
- Daha çox oyun praktikası və az zədə.

- Yeni ildə hansı hədiyyəni almaq istəyirsiniz, hansı ki, onu sizə heç kim verməyib?
- “Ferrari” avtomobili.

- Sizdə yeni il bayramı nə ilə assosiasiya olunur?
- Yeni il yolkası, uşaqlar və hədiyyələrlə.

- Sonuncu dəfə hansı ifaçının mahnılarını özünüz üçün seçmisiniz?
- İndi dəqiq deyə bilmərəm. Fərqli müğənniləri dinləməyi xoşlayıram. Hansısa xüsusi seçimim yoxdur.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə