“Öz oyunçularımı və klubun rəhbərliyini təbrik edirəm”. Apasport.az saytının məlumatına görə, bunu “Qəbələ”nin baş məşqçisi Yuri Syomin deyib.

Rusiyalı məşqçi “Qəbələ” – “Bakı” (2:0) oyunundan sonra keçirilən mətbuat konfransında qazandıqları qələbəni şərh edib. Təcrübəli məşqçi qol vurduqdan sonra əks-hücumda oynadıqlarını etiraf edib: “Bəzi hallarda oyunumuz yaxşı alınmırdı. Əsas olan komandamın ürəkdən oynaması idi. Bu gün güclü komandaya qalib gəldik. “Bakı” ötən tur “Qarabağ”ı məğlub etmişdi. Son turdakı məğlubiyyətdən sonra qələbə qazandıq. Oyunu 2 fərqli hissəyə bölmək olar. İlk hissədə qol vurana qədər üstünlük bizdə idi. Qol vurduqdan sonra isə əks-hücum taktikası ilə oynadıq”.

Qeyd edək ki, bu qələbə ilə “Qəbələ” müvəqqəti də olsa da, turnir cədvəlində ilk sıraya yüksəlib.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə