Topaz Premyer Liqasının XVIII turunda 7 futbolçusu sarı vərəqə ilə cəzalanan AZAL mövsümün antirekorduna imza atıb. Apasport.az saytının məlumatına görə, cari mövsümdə heç bir klub bir qarşılaşmada bu qədər xəbərdarlıq almamışdı.

Orxan Məmmədovun “Neftçi”ni 2:1 hesabı ilə məğlub edən “təyyarəçilər”i sarı vərəqələrə qonaq etməsinə qədər antirekord 6-ya bərabər idi. VII turda “Simurq”, 10-cu turda “Rəvan”, XIII turda isə AZAL 6 xəbərdarlıq almışdı. Paytaxt təmsilçisi şərik olduğu göstəricini yeniləyib.

Qeyd edək ki, “Neftçi” ilə görüşdə Şəhriyar Rəhimov, Cavid Tağıyev, Ruslan Məcidov, Con Oluremi, Samuel Barlay, Junior Ailton və Vladimir Boqdanoviç sarı vərəqə alıb.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə