“Pul heç vaxt mənim üçün önəmli olmayıb. Futbolçu olduğum dövrlərdə həmişə 4-5 illik müqavilələrə imza atardım. Başqa bir oyunçunun daha çox məvacib alması məni narahat etmirdi”. Apasport.az saytının məlumatına görə, bu sözləri Azərbaycan millisinin baş məşqçisi Berti Foqts deyib.

Vətəni Almaniyada “Bild” nəşrinə danışan 67 yaşlı mütəxəssis uzun illər şərəfini qoruduğu Münhenqladbah “Borussiya”sının hazırkı durumunu dəyərləndirib.

Foqts klubun doğru yoda olduğunu qeyd edib: “Bu, hələ son deyil. “Borussiya” xarici ölkələrdə də yaxşı tanınan klubdur. Bir sıra uğurlu transferlər həyata keçirilib. Komandanın bütün cəbhələrdə inamla mübarizə aparması köhnə “Borussiya”nın köhnə fəlsəfəsini xatırladır”.

Qeyd edək ki, Berti Foqts futbolçu karyerası ərzində yalnız “Borussiya”nın şərəfini qoruyub. O, Münhenqladbah təmsilçisinin heyətində 419 oyun keçirərək, 32 qola imza atıb.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə