Topaz Premyer Liqasının arxada qalan 2 dövrəsində liderlərin qənimi müəyyənləşib. Apasport.az saytının məlumatına görə, turnir cədvəlinin ilk 3 pilləsində qərarlaşan “Qarabağ”, “Qəbələ” və “Neftçi” ilə qarşılaşmalarda ən yaxşı nəticəyə AZAL malikdir.

Belə ki, “təyyarəçilər” liderlərlə 6 matçda 7 xal toplayıb.

“Neftçi” (2:1) və “Qarabağ” (1:0) üzərində qələbələri olan Vaqif Sadıqovun yetirmələri sonuncularla heç-heçə də edib – 1:1. Ağdam təmsilçisinə uduzmayan AZAL “Qəbələ”dən xal ala bilməyib.

AZAL kimi, 2 qələbəsi olan “Bakı” bu cədvəldə ikinci yerdədir. 3 komanda – “Simurq”, “Rəvan” və “Xəzər Lənkəran” isə liderlərlə qarşılaşmalarda qələbəyə həsrətdir.

Zaqatala təmsilçisi favoritlərə daha az - cəmi 2 dəfə uduzmaqla hamıdan öndədir. “Simurq” liderlərə cəmi 1 qol vursa da, hamıdan az – üçünü buraxıb. Bu da onunla bağlıdır ki, 6 matçın 4-ü qolsuz heç-heçə ilə nəticələnib.

İddialı klublardan “Xəzər Lənkəran” isə uğursuz keçirdiyi mövsümün ilk yarısında liderlərlə qarşılaşmalarda ciddi çətinlik yaşayıb. Cənublular 6 matçda cəmi 1 qol vurmaqla, 2 xal qazanıb.

yer	klub	O	Q	H	M	T/F	X
1	AZAL	6	2	1	3	6-9	7
2	Bakı	6	2	0	4	7-10	6
3	İnter	6	1	0	5	7-12	5
4	Simurq	6	0	4	2	1-3	4
5	Sumqayıt	6	1	1	4	4-13	4
6	Rəvan	6	0	2	4	2-9	2
7	Xəzər Lənkəran	6	0	2	4	1-11	2

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə