“Xəzər Lənkəran” klubun mərakeşli futbolçusu Zohair Benouahinin apasport.az saytına müsahibəsi

- İstirahətiniz necə gedir?
- Hazırda vətənimdə, Mərakeşdəyəm. Yorğunluğumuzu çıxardırıq. Tezliklə təlim-məşq toplanışı olacaq, güc toplamaq lazımdır.

- “Xəzər Lənkəran”dakı gələcək taleyiniz necə olacaq: komandada qalırsız, yoxsa?
- Dəqiq bir söz deyə bilmərəm. Buna yeni baş məşqçi qərar verəcək. Biletim Mərakeşə və geriyə alınıb.

- AZAL-da yaxşı çıxış etsəniz də, “Xəzər Lənkəran”da oyununuz alınmır. Səbəb nədir?
- Bilirsiniz, Con Toşak məni adət etmədiyim mövqedə - sol cinahda oynadırdı. Fərqli mövqe, yeni komanda, görmədiyim rayon mühiti… Bir çox amillər istədiyim futbolu nümayiş etdirməyə imkan vermədi. Görək bundan sonra necə olacaq.

- “Xəzər Lənkəran”da qalmaq istəyirsiniz?
- Mənim bu klubla müqaviləm var.

- Bəs başqa təkliflər necə? Məsələn, AZAL-a qayıtmaq variantına necə baxırsınız?
- Dediyim kimi, “Xəzər Lənkəran”la müqaviləm var. Bu mövzuda danışa bilmərəm. Siz mənə deyin görüm, klubda nə yenilik var? Komandadan ayrılan olub?

- Duqlas Leyte və Radomir Todorov rəsmən ayrılıblar.
- Bəs Junior Nildo?

- Onun da taleyi sual altındadır...
- Demək belə... Xahiş edirəm, mənimlə bağlı nəsə yeni bir şey olsa, “facebook”da xəbər yollayın.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə