Yanvarın 5-dən Türkiyənin Bələk bölgəsində təlim-məşq toplanışında olacaq “İnter” yoxlama oyunlarının tarixini dəqiqləşdirib. Apasport.az saytının əldə etdiyi məlumata görə, hazırda çempionatda 4-cü pillədə qərarlaşan paytaxt təmsilçisi təxminən 1 həftə fiziki hazırlıqla məşğul olacaq.

Məhz bundan sonra “İnter” gücünü yoxlama oyunlarında sınamağa başlayacaq.

Belə ki, “bankirlər” ilk hazırlıq matçını yanvarın 11-də keçirəcək. Yanvarın 15, 18, 22 və 25-də isə digər yoxlama görüşləri baş tutacaq. Sonuncu hazırlıq qarşılaşmasından dərhal sonra “İnter” vətənə qayıdacaq.

Qeyd edək ki, “İnter” yanvarın 22-də Almaniyanın 2-ci Bundesliqa təmsilçisi “Arminiya” ilə yoxlama matçında gücünü sınamaq istəyir.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə