Artıq ikinci mövsümdür Topaz Premyer Liqasında yaş limiti tətbiq olunur. Apasport.az saytı bu limitin gələcək perspektivini araşdırıb. Söhbət indidən 2014/15 mövsümünün konturlarının cızılmasından gedir.

2012/13 mövsümündə hər komandanın heyətində 1992-ci il təvəllüdlü oyunçunun meydanda olmasını zəruri hesab edən AFFA-nın İcraiyyə Komitəsi sonradan ölkədə futbolçu çatışmazlığını gördü. Bu üzdən 2013/14, yəni indiki mövsümdə də bu limit 1992-ci illərə şamil olundu. Hərçənd, 21 yaşadək futbolçu termini hər il dəyişməlidir. Əvvəl 1992, sonra 1993 və s. Amma bu dəyişiklik 1 il təxirə salındı və bu yolla klublara güzəşt olundu. Ədalət naminə qeyd edək ki, çempionatda 1992-ci il təvəllüdlü yetərincə normal futbolçu var.

Amma növbəti mövsüm üçün vəziyyət heç də ürəkaçan deyil. Çünki 2014/15 mövsümündə bu rəqəm 1993 olmalıdır. Təbii ki, yenidən güzəşt olunmasa.

Cari mövsümün ilk yarısında meydana çıxan gənclərin yaşına nəzər salsaq, bəzi klubların işi gələn il lap qəliz olacaq. 18 turda 33 belə oyunçu meydana çıxıb. Ən azı 1993-cü il yanvarın 1-də anadan olan bu “33-lük” 2014/15 mövsümü üçün təcrübə qazanır. Amma necə?

Bunun üçün Premyer Liqa klublarının aşağı yaşlılarının 18 turda keçirdiyi oyun sayına baxaq. Bu 33 nəfər arasında “Simurq”un nümayəndəsi yoxdur. Deməli, zaqatalalıların işi gələn mövsüm asan olmayacaq. Belə kadr problemi “Neftçi”dən də yan ötməyəcək.

Cəmi 1 belə oyunçusu olan bakılıların gənc futbolçusu 1 qarşılaşmada meydana çıxıb. Düzdür, hər 2 komandanın əvəzedici heyətində də, aşağı yaş qruplarında da gənclər var. Lakin indidən Premyer Liqaya hazır olmayanların növbəti birincilikdə nə dərəcədə faydalı olacağı sual doğurur. Amma “Neftçi”nin icarədə olan gəncləri də var. Məhz onların sayəsində indi “Sumqayıt” hamıdan öndədir. “Gənclik şəhəri” təmsilçisinin 7 üzvü gələn il üçün hazır sayıla bilərdi. Amma artıq bu oyunçular arasında qaçaqaç başlayıb.

Slavik Alxasov “Xəzər Lənkəran”, Elşən Abdullayev “Neftçi” yolunu tutub. Amma onlara qoşulanlar da olacaq. “”Sumqayıt özü isə dağılmamaq və Premyer Liqada qalmaq üçün çabalayır. “İnter”lə “Bakı”nın hərəsinin 5, “Qəbələ” ilə “Xəzər Lənkəran”ın 4 belə futbolçusu var. Lakin onlar müvafiq olaraq, Ruslan Tağızadə ilə Slavik Alxasovu transfer edir. Qış “transfer pəncərəsi”nin ilk 2 keçidinin məhz bu limitə hesablandığı göz qabağındadır.

Deməli, artıq 20 yaşlıların qiyməti qalxır. Özü də benzinin qiyməti kimi. Amma bu 2 keçiddən biri – Alxasov hələ reallaşmayıb. Buna səbəb “Neftçi”nin özünün kadr problemidir. Bakılılar 1993-cü il təvəllüdlü futbolçuya olan ehtiyacları üzündən müdafiəçini saxlamaq arzusuna düşə bilər. Hər halda, “ağ-qaralar” gənclər arasında oyun sayında rekordçu olan Elşən Abdulayevlə kifayətlənməyəcək.

klubu	futbolçu	Oyun sayı
Sumqayıt	Elşən Abdullayev	17
Sumqayıt	Nurlan Novruzov	15
Sumqayıt	Slavik Alxasov	15
Xəzər Lənkəran	Ağabala Ramazanov	14
AZAL	Ruslan Tağızadə	13
Bakı	Vadim Abdullayev	13
Xəzər Lənkəran	Orxan Sadıqlı	13
İnter	Abdulla Abatsiyev	11
İnter	İlqar Ələkbərov	11
Qarabağ	Hacı Əhmədov	9
Sumqayıt	Orxan Əliyev	9
Bakı	Elxan Əhmədov	7
Qəbələ	Müşfiq Teymurov	6
Sumqayıt	Ruslan Nəsirli	6
Rəvan	Elvin Həsənəliyev	4
AZAL	Murad Ağayev	3
Bakı	Namiq Ələsgərov	3
Bakı	Vüqar Mustafayev	3
Qəbələ	Sadiq Quliyev	3
Bakı	Rəhman Hacıyev	2
Qarabağ	Təmkin Xəlilzadə	2
Xəzər Lənkəran	Kazım Kazımlı	2
İnter	Coşqun Diniyev	1
İnter	Fuad Bayramov	1
İnter	Ramil Mansurov	1
Neftçi	Məqsəd İsayev	1
Qarabağ	Ülvi Rəfizadə	1
Qəbələ	Elvin Camalov	1
Qəbələ	Nuran Qurbanov	1
Rəvan	Ayaz Mehdiyev	1
Sumqayıt	Bayram Nuruzadə	1
Sumqayıt	Tərlan Əhmədli	1
Xəzər Lənkəran	Elnur Cəfərov	1

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə