"Sumqayıt" daha bir futbolçunun keçidini həll edib. Apasport.az klubun saytına istinadən xəbər verir ki, dünən Ramil Mansurovu heyətinə qatan “gənclik şəhəri” təmsilçisi “Qəbələ"də çıxış edən Tərzin Cahangirovla müqavilə imzalayıb.

21 yaşlı futbolçu icarə əsasında çıxış edəcək. Sumqayıt futbol məktəbinin yetirməsi olan Tərzin yeni klubunda 14 nömrəli formanı geyinəcək.

Qeyd edək ki, “Sumqayıt” “Qəbələ”nin daha bir futbolçusu ilə anlaşmağa yaxındır. Söhbət əyalət klubu ilə yollarını ayıran Şəhriyar Xəlilovdan gedir. Danışıqlar müsbət nəticələnərsə, 22 yaşlı futbolçu sumqayıtlıların uğurları üçün çalışacaq.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə