Millimizin üzvü Branimir Subaşiçin şərəfini qoruduğu “Orduspor” növbəti qələbəsini qazanıb. Apasport.az saytının məlumatına görə, Türkiyə çempionatının I divizionunda mübarizə aparan komanda XVIII tur çərçivəsində qonaq etdiyi “Şanlıurfaspor”u üstələyib.

Subaşiçin start heyətdə meydana çıxdığı və sonadək oynadığı qarşılaşma “Orduspor”un 2:0 hesablı qələbəsi ilə başa çatıb. Matçda hesabı Anil Taşdemir açıb. 37-ci dəqiqədə isə yığmamızın serb əsilli hücumçusu adını tabloya yazdırıb.

Qeyd edək ki, “Orduspor” bu qələbə sayəsində xalını 36-a çatdıraraq, qış fasiləsinə 3-cü pillədə yollanıb.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə