“Mançester Yunayted”in futbolçusu Luiş Nani karyerasını İtaliya A Seriyasında davam etdirə bilər. Apasport.az İtaliya mətbuatına istinadən xəbər verir ki, “Yuventus” portuqaliyalı yarımmüdafiəçiyə elçi düşüb.

Belə ki, Turin klubu artıq bu barədə rəsmi təklif də göndərib. “Qırmızı şeytanlar” isə 27 yaşlı futbolçunu göndərməyə hazırdır və bu keçidin reallaşması üçün İtaliya təmsilçisindən 22 milyon avro tələb edir. Əgər tərəflər razılığa gələrsə, bu keçid qış transfer pəncərəsində həll oluna bilər.

Qeyd edək ki, Nani 2007-ci ildə Portuqaliyanın “Sportinq” klubundan “Mançester Yunayted”ə keçib.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə