Avropada çıxış edən ən yaxşı braziliyalı futbolçuya verilən “Samba Gold” mükafatının bu ilki qalibi müəyyənləşib. Apasport.az saytının məlumatına görə, Sambafoot.com tərəfindən təşkil olunan mükafatlandırmada PSJ-nin müdafiəçisi Tiqao Silva birinci seçilib.

30 namizəd arasından Dante (Bavariya) 2-ci, Oskar (Çelsi) 3-cü, “Qalatasaray”ın yarımmüdafiəçisi Felipe Melo isə 4-cü yerə layiq görülüb. Səslərin 6.77 faizini toplayan Melo, bununla da David Luis (6-cı, “Çelsi”), Hulk (7-ci, “Zenit”), Dani Alves (12-ci, “Barselona”) və Marselo (20-ci, “Real”) kimi ulduz futbolçuları geridə qoyub.

Qeyd edək ki, Silva bu il altıncı dəfə təşkil olunan “Samba Gold” mükafatını 3-cü dəfə qazanıb.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə