Yanvarın 5-dən 28-nə kimi Türkiyədə təlim-məşq toplanışı keçəcək “Qəbələ”nin daha 2 sınaqçı rəqibi müəyyənləşib. Apasport.az saytının məlumatına görə, “qırmızı-qaralar”ın yanvarın 10-da baş tutmalı olan ilk matçında hələ rəqib müəyyənləşməsə də, ayın 13-dəki rəqibi artıq bilinir.

“Qəbələ” həmin gün Qazaxıstan Premyer Liqa təmsilçisi “Tobol”la qarşılaşacaq. Əvvəlcədən bilindiyi kimi, bundan 3 gün sonra “Konyaspor”la qarşılaşmalı olan Yuri Syominin yetirmələrinin digər Qazaxıstan təmsilçisi “Spartak”la da görüşü olacaq. Semey təmsilçisi ilə matç yanvarın 20-dədir. Bundan sonra isə “Qəbələ”ni Rusiya Premyer Liqa klubu “Volqa” ilə oyun gözləyir. Nijni-Novqorod komandası ilə qarşılaşma “Spartak”la oyundan 2 gün sonradır.

Qeyd edək ki, “Qəbələ” yanvarın 10-dan başqa, 24 və 27-dəki yoxlama oyunlarındakı rəqiblər hələ müəyyənləşməyib.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə