PSJ-nin ulduz futbolçusu Edinson Kavani cari mövsümdəki hədəfləri ilə bağlı iddialı açıqlamalar verib. Apasport.az saytının məlumatına görə, yerli mətbuata danışan 26 yaşlı hücumçu Çempionlar Liqasının qalibi olacaqlarını deyib:

“Bəli, PSJ həqiqətən də Çempionlar Liqasını qazana biləcək gücdədir. Buna bütün qəlbimlə inanıram”.

Uruqvaylı forvard komanda yoldaşı Zlatan İbrahimoviçlə birlikdə oynamaqdan böyük zövq aldığını bildirib: “Zlatanın yanında özümü rahat hiss edirəm. O, möhtəşəm futbolçudur. Rəqib oyunçuları böyük qorxuya salır və hər an qol vura biləcək potensiala sahibdir. Özünəməxsus tərzi var. O, kobud və sərt olsa da, komanda üçün çox önəmli biridir”.

Qeyd edək ki, Kavani cari mövsümün əvvəlində İtaliya “Napoli”sindən Paris klubuna keçib.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə