“Qəbələ” sabah günorta saatlarında təlim-məşq məqsədilə Türkiyənin Antalya şəhərinə yollanacaq. Apasport.az-ın klubun rəsmi saytına istinadən məlumatına görə, komanda toplanış boyunca Belek bölgəsində yerləşən "Gloria Sereniti" otelində məskunlaşacaq.

Baş məşqçi Yuri Syomin yanvarın 5-dən 27-dək keçiriləcək hazırlıq prosesinə əvəzedici heyətdən 2 futbolçu cəlb edib. Bunlar müdafiəçi Şirməhəmməd Məmmədov və hücumçu Salman İbrahimovdur.

“Qəbələ” toplanış çərçivəsində yanvarın 10-u, 13-ü, 16-ı, 20-i, 22-i və 25-i tarixlərində ümumilikdə 6 sınaq oyunu keçirəcək. “Qırmızı-qaralar”ın yanvarın 10-u və 25-də qarşılaşacağı kollektivlər dəqiqləşməsə də, digər rəqiblər bəllidir:

13 yanvar – “Qəbələ" - "Tobol" (Qazaxıstan)
16 yanvar - "Konyaspor" (Türkiyə) - "Qəbələ"
20 yanvar - "Qəbələ" - "Spartak" (Semipalatinsk, Qazaxıstan)
22 yanvar - "Qəbələ" - "Volqa" (Rusiya)

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə