Türkiyə Superliqasında mübarizə aparan “Əskişəhərspor” klubu “Xəzər Lənkəran”a müraciət edib. Apasport.az saytının Antalyaya ezam olunmuş əməkdaşının verdiyi məlumata görə, qardaş ölkə təmsilçisi cənublularla yoxlama matçı keçirtmək istəyir.

Lakin “ağ-yaşıllar”ın baş məşqçisi Mustafa Dənizli müraciətə cavab olaraq, bu barədə fikirləşəcəyini və 1-2 gün ərzində qəti qərar verəcəyini söyləyib.

Qeyd edək ki, “Xəzər Lənkəran” Türkiyədə cəmi 2 yoxlama matçı keçirməyi planlaşdırır. İlk qarşılaşmadakı rəqib artıq məlumdur. Belə ki, cənublular böyük ehtimalla, “Çaykur Rizəspor”la görüşəcək. Bu matç yanvarın 14-də və ya ertəsi gün baş tutacaq. “Xəzər Lənkəran”ın 2-ci oyununun vaxtı və rəqib isə hələ dəqiqləşməyib.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə