“Qarabağ” Türkiyədə bu gün məşqlərə start verib. Apasport.az saytının xəbərinə görə, Ağdam təmsilçisi məskunlaşdığı “İC Santai” otelinin meydançasında məşqə yerli vaxtla saat 11:00-dı çıxıb.

Məşqə başlamamışdan öncə baş məşqçi Qurban Qurbanov futbolçularla qısaca söhbət edib, hazırlıq dönəmində yaxşı çalışmağın vacibliyini vurğulayıb.

Ardınca təxminən 90 dəqiqəlik məşq başlayıb. “Qarabağ”ın texniki heyəti futbolçuları çox yükləməyib. Kollektiv məşqdə əməliyyat sonrası bərpa prosesi keçən Rəşad Sadıqov və braziliyalı legionerlər – Almeyda, Çumbinyo və Reynaldo iştirak etməyib.

Məşq zamanı Qurbanov yanaşı meydançada hazırlıq keçən “Xəzər Lənkəran”ın məşqini də izləyib.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə