Qış tətilini başa vuran “Bakı” bu gün bir araya gəlib. Apasport.az-ın klubun rəsmi saytına istinadən məlumatına görə, plana əsasən komanda iki məşq keçib.

Əvvəlcə saat 11:00-da klubun təlim-məşq bazasında baş tutan hazırlığa köməkçi məşqçi Mario Fernandes rəhbərlik edib.

Öncə isinmə hərəkətlərinə yer verən çalışdırıcı ardından futbolçuları 3 qrupa bölərək onları meydanboyu qaçırdıb. Birsaatlıq yüngül və sürətli qaçışın ardından oyunçular dartınma hərəkətlərini icra edib. Bununla da “Bakı” yeni ildə ilk məşqini başa vurub.

Saat 15:00-da isə futbolçular trenajor zalında çalışıb.

Qeyd edək ki, “Bakı” yanvarın 11-də İspaniyaya təlim-məşq toplanışına yola düşəcək. Yanvarın 26-na kimi İspaniyanın Marbelya şəhərinin “Quadalmina” otelində məskunlaşacaq komanda bu müddətdə 4 yoldaşlıq görüşü keçirməsi nəzərdə tutulur. Sınaqçı-rəqiblərin adları yaxın günlərdə dəqiq bilinəcək.

• “Liverpul”un yarımmüdafiəçisi İspaniya klubunda
• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi