Pablo Batalyanın gedişindən sonra yarımmüdafiə xəttini “Spartak”ın futbolçusu Kim Çelstromla gücləndirmək istəyən “Bursaspor” problemlə üzləşib. Apasport.az Türkiyə mətbuatına istinadən xəbər verir ki, “ağ-yaşıllar” bu keçidi reallaşdırmaqdan imtina edib.

Belə ki, Moskva klubu və Çelstromla ilkin razılığa gəlib, 31 yaşlı yarımmüdafiəçiyə illik 3 milyon avro maaş təklif etmişdi. Lakin isveçlinin sonradan daha çox maaş tələb etməsi bu transferin reallaşmamasına səbəb olub.

Qeyd edək ki, İsveç millisinin də üzvü olan Çelstrom 2012-ci ildə Fransa “Lion”undan rus klubuna keçmişdi.

• “Liverpul”un yarımmüdafiəçisi İspaniya klubunda
• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi