“Barselona”nın kapitanı Lionel Messi cari mövsüm La Liqada “Atletiko” və “Real”la matçlarda fərqlənə bilməyib.

Apasport.az saytının məlumatına görə, argentinalı bununla mövsüm ərzində Madrid təmsilçiləri ilə görüşləri qolsuz başa vurub.

Bu isə son 15 ildə ilk dəfə baş verən hadisədir. Leo buna qədər axırıncı dəfə 2005/06 mövsümündə madridlilərlə oyunları boş keçirmişdi. 34 yaşlı oyunçu 28 qolla hazırda La Liqada bombardirlər yarışına başçılıq edir.

Qeyd edək ki, bu mövsüm “Real”a hər iki oyunda uduzan (1:3, 1:2) “Barselona” “Atletiko”ya birinci dövrədə 0:1 hesabı ilə məğlub olduqdan sonra XXXV turda qolsuz bərabərə qalıb.
 

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"