“Qarabağ”da daha bir futbolçunun taleyinə aydınlıq gəlib.

Apasport.az-ın klubun rəsmi saytına istinadən məlumatına görə, Elvin Cəfərquliyev karyerasını hazırkı komandasında davam etdirəcək.

21 yaşlı cinah müdafiəçisi başa çatan müqaviləsini yeniləyib. Anlaşmaya əsasən, Cəfərquliyev 2024-cü ilin yayına qədər “Qarabağ”a məxsus olacaq. O, geridə qalan mövsüm Ağdam təmsilçisində keçirdiyi 32 oyunda 4 məhsuldar ötürmə verib.

Qeyd edək ki, “Qarabağ” buna qədər Maksim Medvedev və Bədavi Hüseynovla da yeni müqavilə imzalayıb.
 

• “Mançester Siti”dən 145 milyon avroluq bomba – 5 illik müqavilə
• "Qalatasaray"dan növbəti transfer: Fransız müdafiəçi
• Kevin Danso “Sanderlend”ə keçib
• Seneqal millisinin üzvü “Yuventus”da - RƏSMİ
• “Arsenal”dan “Dortmund”a