Sabah Millətlər Liqasının final mərhələsinin püşkü atılacaq.

Apasport.az saytının məlumatına görə, tədbir UEFA-nın İsveçrənin Nyon şəhərindəki mənzil-qərargahında baş tutacaq.

Püşkatma mərasimi Bakı vaxtı ilə 20:30-da başlayacaq. Tədbirdə 2021-ci ilin oktyabrında keçiriləcək həllediri raundun yarımfinal cütləri bəlli olacaq.

Püşkatmada A liqasının qrup qalibləri İtaliya, Belçika, Fransa və İspaniya iştirak edəcək. Final mərhələsinin meydan sahibi püşkdən öncə keçiriləcək İcraiyyə Komitəsinin yığıncağında təsdiqlənəcək. Lakin bunun üçün müraciət edən üç ölkədən – Niderland, Polşa və İtaliyadan yalnız sonuncular mübarizəni davam etdirdiyindən turnirin Appenin yarımadasında təşkili şübhə doğurmur.

Yarımfinal matçları oktyabrın 6-da və 7-də keçiriləcək. İtaliya yığmasının oyunu ilk gündə baş tutacaq. Oktyabrın 10-da isə final və 3-cü yer uğrunda matç baş tutacaq. Matçların başlama saatı püşkdən sonra elan ediləcək.

• "Napoli" də "Qarabağ"la oyuna görə cərimələnib
• "Atletik" "Qarabağ"la oyunda azarkeşlərin davranışına görə cəzalandırılıb
• Almaniya millisinin sabiq üzvü faciəvi şəkildə həlak olub
• “Barselona” mərkəz müdafiəçisi axtarışındadır: üç namizəd var
• Braziliya millisinin üzvü karyerasını vətənində davam etdirəcək