Bu gün AFFA-nın İntizam Komitəsinin 2019-cu ildəki son yığıncağı keçirilib.

Apasport.az saytının məlumatına görə, iclasda qurumun bayrağı altında keçirilən yarışlarda baş verən xoşagəlməz hadisələr müzakirə olunaraq müvafiq qərarlar verilib.

Region Liqasının “Ağsu Siti” – “Şamaxı” matçında qonaqların rəhbəri Ruslan Həmidov hakimə qarşı təhqiredici ifadələr işlədib. O, bu səbəbdən də 5 oyun cəzalanıb.

“Ərkivan” (Masallı) – “TST Astara” qarşılaşmasında meydan sahiblərinin futbolçusu Akşin Həşimov hakimə qarşı təhqiredici ifadələr işlədib. Ona 4 oyunluq diskvalifikasiya verilib.

“Babək” – “Dübəndi” görüşündə meydan sahiblərinin baş məşqçisi Rauf Əliyev referiyə qarşı təhqiredici ifadələr işlədib. Onun cəzası 5 oyundan ibarət olub.

Futzal üzrə Birinci Liqanın “AjaxBaku” – “Standart” matçında nominal meydan sahiblərinin oyunçusu Eşqin Tağıyev ədalət təmsilçilərinə qarşı təhqiredici ifadələrə yol verib. O, 4 oyun cəzalanıb.
 

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı