“Bu günə qədər UEFA-dan AVRO-2020-də dəyişiklik və ya araşdırma məqsədi ilə bağlı AFFA-ya heç bir sorğu daxil olmayıb”.

Bunu apasport.az saytına açıqlamasında AFFA-nın icraçı vitse-prezidenti Elxan Məmmədov deyib.

Böyük Britaniyanı “Sun” nəşrinin koronavirus pandemiyası, həmçinin Dağlıq Qarabağda baş verən hadisələrə görə Avropa çempionatının Bakıdan alınma ehtimalına münasibət bildirən Məmmədov hazırda bunun gündəmdə olmadığını söyləyib: “Bildiyiniz kimi, AVRO-2020 bu ilin iyun-iyul aylarında təşkil olunmalı idi. Lakin təəssüf ki, koronavirus pandemiyası elan olunduğu üçün UEFA-nın İcraiyyə Komitəsinin qərarına əsasən, yarış bir illik təxirə salınıb. Son günlər beynəlxalq və yerli mediada turnirin yerli formatı ilə bağlı müxtəlif fikirlər eşidirik. Ancaq komitənin son qərarına əsasən, AVRO-2020 Bakı da daxil olmaqla 12 şəhərdə təşkil olunacaq. Həmin yarış 2021-ci ilin iyun-iyul aylarında keçiriləcək. UEFA-dan hər hansı bir məlumat alsaq, bunu ictimaiyyətə bildirəcəyik”.

Qeyd edək ki, 12 ölkədə keçirilməli olan AVRO-2020 koronavirus səbəbindən 2021-ci ilə təxirə salınıb.

• Kvaratsxeliya "Napoli" ilə anlaşa bilmir
• "Beşiktaş"ın futbolçusu derbini buraxacaq
• Qalmaqallı "Trabzonspor" - "Fənərbaxça" matçı ilə bağlı yeni qərar
• "Mançester Siti"dən rekord
• "Mançester Yunayted"lə oyun öncəsi "Fənərbaxça"da ciddi itki