UEFA AVRO-2020-nin ən yaxşı futbolçuları ilə bağlı siyahısını yeniləyib.

Apasport.az saytının məlumatına görə, qitə futbol qurumu 1/8 final mərhələsindəki oyunlardan sonra oyunçuların cədvəldəki yeni yerlərini açıqlayıb.

Hər mövqedəki oyunçuların ən vacib statistikalarını nəzərə alan xüsusi hazırlanmış proqram göstəriciləri anında yeniləyərək, faydalılıq indeksini müəyyənləşdirir. Qrup və 1/8 final matçlarından sonra Portuqaliya millisinin kapitanı Kriştiano Ronaldo birinci pillədəki yerini qoruyub. Onu Çexiya yığmasının hücumçusu Patrik Şik və almaniyalı müdafiəçi Robin Qosens izləyib.

Ukrayna yığmasının forvardı Andrey Yarmolenko 4-cü yerə yüksəlibsə, Xorvatiya millisinin kapitanı Luka Modriç 5-ci pilləyə enib. Maraqlıdır ki, ilk “beşlik”dəki oyunçulardan yalnız Şik və Yarmolenko yoluna davam edir.

Qeyd edək ki, iyulun 2-3-də AVRO-2020-nin 1/4 final matçları keçiriləcək.

• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb
• Mahir Emrelinin komandasında baş məşqçi dəyişikliyi – “Rakuv” seçim etdi
• Qabriel Jezus “Barselona”da – 2029-cu ilədək müqavilə