Bu gün AVRO-2020 start götürəcək.

Apasport.az saytının məlumatına görə, Avropanın 11 şəhəri, o cümlədən Bakıda keçiriləcək yarış sayca 16-cı qitə çempionatıdır.

Əvvəlki 15 turnirdə 10 komanda qızıl medal qazanıb. İspaniya və Almaniya (əvvəl AFR) hərəyə 3, Fransa 2 dəfə qalib olub. Digər 7 yığmanın, o cümlədən son çempion Portuqaliyanın bir zəfəri var.

Almaniya və keçmiş SSRİ yığmaları finalda ən çox uduzan yığmalardır. Onlar hərəyə üç dəfə gümüşlə kifayətlənib. İtaliya və Yuqoslaviyanın finalda 2 belə məğlubiyyəti var. Ümumilikdə, Almaniya 6, SSRİ 4 final oynamaqla hamıdan öndədir. Yalnız 12 milli finalda oynamağa nail olub.

İlk 6 turnirdə 3-cü yer uğrunda matç təşkil olunub. 1984-cü ildən başlayaraq yarımfinalda uduzanlar mübarizəni dayandıraraq öz aralarında görüşməyib. Hər iki komanda bürünc mükafatçı hesab olunur.

Niderland daha çox – 4 bürünc qazanıb. Almaniya ilə Portuqaliya hərəyə üç belə üçüncülüyü var. İngiltərə və Çexoslovakiyanın iki belə uğuru var.

Ümumi mükafat sayında da Almaniya öndədir. Bundestim üç əyarın hərəsindən 3 dəfə qazanıb. 

Qeyd: SSRİ, Yuqoslaviya və Çexoslovakiya artıq mövcudluğunu itirib, AFR sonradan Almaniya olub.

• “Arsenal”dan “Dortmund”a
• “Liverpul”un yarımmüdafiəçisi İspaniya klubunda
• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb